"منا اورو منا بڑی" اسکیم کے زیر التواء بلوں کو فوری طور پر جاری کرنے کی اپیل

"منا اورو منا بڑی" اسکیم کے زیر التواء بلوں کو فوری طور پر جاری کرنے کی اپیل

تلنگانہ اسٹیٹ کنٹریکٹر اسوسییشن کا ضلع کلکٹر، نرمل کو مکتوب

بلوں کو جاری نہ کرنے کی صورت میں ان اسکولوں کو تالا لگانے کی دھمکی: ریاستی نائب صدر عظیم بن یحیی کا بیان

نرمل28/ اگست( دبنگ نیوز بیورو ) تیلنگانہ اسٹیٹ کنٹریکٹر اسوسییشن کے نائب صدر عظیم بن یحیی نے کل یہاں نرمل ضلع کلیکٹریٹ پہنچ کر کنٹریکٹرز کے ہمراہ ضلع کلیکٹر نرمل کو ایک مکتوب حوالے کیا جس میں مطالبہ کیا گیا کہ "منا اورو منا بڑی" اسکیم کے زیر التواء بلوں کو فوری طور پر جاری کیا جائے,تلنگانہ ریاستی حکومت کے ذریعہ شروع کئے گئے باوقار "منا اورو - منا بدی" پروگرام کے ذریعہ سرکاری اسکولوں میں بنیادی ڈھانچے کی تشکیل اور ترقی کے لئے جو کام ہمیں تفویض کیا گیا تھا اس کے بل پچھلے تین سالوں سے زیر التوا ہیں۔ اس بیچ کنٹریکٹروں کے ساتھ کئی افسوسناک واقعات بھی رونما ہوئے ہیں جہاں کنٹریکٹرز وقت پر بل نہ ملنے، قرضوں میں گھرجانے اور شدید مالی و ذہنی دباؤ کا شکار ہو کر جان سے جا چکے۔ ان مسائل کو پہلے بھی کئی بار حکام کی توجہ میں لایا جا چکا ہے اور اس مسئلے کو حل کرنے کے وعدے بھی کیے گئے ہیں۔ تاہم ابھی تک ان وعدوں پر پوری طرح عمل نہیں ہوا۔ لہٰذا، مزید تاخیر کے بغیر، ہم اپیل کرتے ہیں کہ 17 ستمبر - تلنگانہ قومی اتحاد کے دن تک "منا اورو - منا بدی" اسکیم کے تحت کنٹریکٹرس کے تمام زیر التواء بلوں کو جاری کریں۔ دیگر صورت میں احتجاج کے حوالے سے ان اسکولوں کو تالا ڈالا جائے گا.