پر جا وانی میں موصول ہونے والی شکایات کو فوری طور پر حل کیا جائے ضلع کلکٹر بی ستیہ پرساد نے کئی مسائل پر درخواستیں وصول کی عوامی شکایات کی تعداد: 53

( دبنگ نیوز بیورو)
جگتیال تلنگانہ 24 / اگست (سید غو ث)ضلع کلکٹر بی ستیہ پرساد نے عہدیداروں کو ہدایت دی ہے کہ وہ عوامی شکایات کی جامع جانچ کریں اور مسائل کو جلد حل کریں۔

پیر کو کلکٹریٹ آڈیٹوریم میں منعقدہ پرجاوانی پروگرام میں ضلع کلکٹر بی ستیہ پرساد کو عوام سے شکایات اور درخواستیں موصول ہوئیں۔

*اس موقع پر خطاب کرتے ہوئے ضلع کلکٹر بی ستیہ پرساد نے کہا*

ضلع کے مرکز کے ساتھ ساتھ ضلع کے کئی منڈلوں کے لوگ پرجاوانی آکر اپنے مختلف مسائل کےدرخواست دیتے ہیں ، اور عہدیداروں کو چاہئے کہ وہ اپنے محکموں کو موصول ہونے والی شکایات پر مثبت انداز میں کام کریں اور مسائل کی جامع تحقیقات کرکے انہیں حل کرنے میں پہل کریں۔ انہوں نے عہدیداروں کو ہدایت دی کہ وہ وقتاً فوقتاً عرضیوں کا جائزہ لیں اور انہیں زیر التواء رکھے بغیر حل کریں۔
دریں اثنا، آج منعقدہ پرجاوانی پروگرام میں کل _*53*_ شکایات اور درخواستیں موصول ہوئیں، انہوں نے متعلقہ عہدیداروں کو ہدایات دی کہ انہی فو ری طور پر حل کے لیے مناسب اقدامات کیے جائیں۔

ضلع پرجاوانی کے حوالے سے اس وقت کل 182 درخواستیں زیر التوا ہیں۔ ان میں سے 93 درخواستیں 30 دنوں سے زائد عرصے سے زیر التوا ہیں، جیسا کہ ضلع پرجاوانی کی رپورٹ میں انکشاف ہوا ہے۔

زیر التوا درخواستوں میں سے، 28 ضلع پنچایت دفتر میں، 23 جگتیال میونسپلٹی میں، 17 ڈسٹرکٹ آئی اینڈ سی اے ڈی میں، 15 اے ڈی ایس ایل آر میں، 10 میٹ پلی میونسپلٹی میں، 9 کورٹلہ میونسپلٹی میں، 9 ڈسٹرکٹ کلکٹر آفس میں، اور 9 ڈی آر ڈی اے میں ہیں۔

ضلع کلکٹر نے ہدایات دی کہ متعلقہ حکام پرجاوانی کے ذریعے موصول ہونے والی ہر درخواست کی جانچ کریں، مسئلہ کا حل فراہم کریں، اور درخواست گزاروں کو مناسب معلومات فراہم کریں۔ ضلع کلکٹر نے کہا کہ 30 دنوں سے زائد عرصے سے زیر التوا درخواستوں کو ترجیحی بنیادوں پر حل کیا جائے اور لوگوں کو سرکاری خدمات کی بروقت فراہمی کو یقینی بنانے کے اقدامات کئے جائیں۔

اس پروگرام میں ضلع ایڈیشنل کلکٹر بی ایس لتا، ڈسٹرکٹ ریونیو آفیسر پرساد، متعلقہ ضلعی سطح کے افسران، میونسپل کمشنر اور دیگر نے شرکت کی۔